پڕۆژێ پیشه‌سازى (پڕۆژێ كارگه‌ها به‌رهه‌مئینانا زه‌یتا زه‌یتونا ) مۆله‌تا وه‌به‌رهێنانێ بۆ هاتیه دان و دەست ب چیکرنا وێ هاتەکرن.
فەلاح حاجی، بەرپرسێ راگەهاندنا رێڤەبەریا گشتی یا وەبەرهێنانێ ل پارێزگەها دهۆکێ بۆ "وشە" چوت، پڕۆژه پێك دهێت ژ هولا به‌رهه‌مى و هولا كومكرنا زه‌یتونا و كوگه‌هـ و ئاڤاهیێ كارگێریا پڕۆژه‌ى و خارنگه‌ها كرێكاران و یه‌كه‌یا چاره‌سه‌ركرنا ئاڤا گران و پارك و جهێن كه‌سكاتى و ژورا كونترولى.
زێدەتر گوت، ئه‌ڤ پڕۆژه دهێته جێبه‌جێكرن ژلایێ وه‌به‌رهێنه‌ر (كومپانیا كه‌نار) ڤه ب سه‌رمایێ ملیون و 540 هزار و 500 دۆلاران و ل سه‌ر رووبه‌رێ 8000م2 و ماوه‌یێ 24 هه‌یڤان بۆ هاتیه ده‌ست نیشانكرن بۆ ئاڤاكرنێ، لدیڤ یاسایا وه‌به‌رهێنانێ یا ژماره (4) یا سالا 2006 (5) مۆله‌تێن وه‌به‌رهێنانێ هاتینه دان ل قه‌زا شێخان و ل سالا 2023 (3) مۆله‌ت هاتینه دان . و سه‌رمایێ ئه‌ڤان پڕۆژان پتر ژ (106) ملیون دۆلارایه.
ناڤبری چوتژی، ئەڤ پڕۆژەیە بەشەکن ژ وێ جێبجێکرنا وێ پلانا د رێبەرێ وەبەرهێنانێ دا کو ب (3) زمانێن کوردی، ئنگلیزی و عەرەبی هاتییە دانان، دهێتە جێبجێکرن و بەردەوام کار دهێتەکرن کو پڕۆژە دوی چارچووڤەیدا بهێنە پەسەندکرن.