سه‌رچاوه‌یه‌كی ته‌ناهی ئه‌مڕۆ رای گه‌یاند، هێزێكی پۆلیس له ناوه‌ندی به‌غدای پایه‌ته‌ختی عێراق، له كاتی ده‌ستدرێژیی سێكسی بۆ سه‌ر كچێكی هه‌رزه‌كار، دوو گه‌نجی هه‌رزه‌كار ده‌گرن.
پێگه‌ی "
شه‌فه‌ق نیوز" ئه‌مڕۆ چوارشه‌م سێی نیسان بڵاوی كردووه‌ته‌وه، به‌پێی گوته‌ی سه‌رچاوه ته‌نناهییه‌كه، له شه‌قامی قه‌نات له گه‌ڕه‌كی به‌غدا جه‌دیده‌ی ناوه‌ندی به‌غدا، هێزێكی پۆلیس دوو گه‌نج ده‌گرن كه به هه‌ڕه‌شه و چه‌كی سپی "چه‌قۆ"، ده‌ستدرێژیی سێكسی ده‌كه‌نه سه‌ر كچێكی هه‌رزه‌كار.
سه‌رچاوه‌كه زیاتر گوتی، گه‌نجه‌كان كه ئه‌وانیش هه‌رزه‌كارن، كچێكی هه‌رزه‌كاریان به ماتۆڕ "توك توك" هه‌ڵگرتووه و له شوێنێكی چۆڵ له‌سه‌ر شه‌قامه‌كه، به هه‌ڕه‌شه‌ی "چه‌قۆیه‌كی گه‌وره" ده‌ستدرێژیی سێكسییان كردووه‌ته سه‌ر، له كاتی كرده‌كه‌یان پۆلیس هه‌ردووكیانی گرتووه.
له‌باره‌ی ته‌مه‌نی گه‌نجه‌كان و كچه‌كه سه‌رچاوه‌كه گوتی، كوڕه‌كان یه‌كیان له‌دایكبووی 2007 و ئه‌وی تریشیان له‌دایكبووی 2010یه. كچه هه‌رزه‌كاره‌كه‌یش له‌دایكبووی 2009یه.
ئێسته هه‌رسێكیان گیراون و لێكۆڵینه‌وه‌ی زیاتر له رووداوه‌كه ده‌كرێت.