كه‌مێك له‌مه‌وبه‌ر بارانی به‌خوڕ له هه‌ولێر ده‌ستی پێ كرد و پێشبینی ده‌كرێت تا دره‌نگانی شه‌و به‌وجۆره به‌رده‌وام بێت.
له‌كاتی ئاماده‌كردنی ئه‌م هه‌واڵه‌دا، ئاسته‌نگی هاتوچۆ له ناو بازاڕی هه‌ولێر دروست بووه، به‌هۆی كۆبوونه‌وه‌ی ئاو، هاوكات له شه‌قامی 60 مه‌تری هه‌ولێر كۆبوونه‌وه‌ی ئاو هه‌یه.
سه‌رباری ئه‌وه‌ی بارانێكی به‌خوڕ هه‌یه له هه‌مانكاتدا، هه‌وره برووسكه‌یه‌كی زۆر هه‌یه و پێشبینی كه‌شناسیش وایه كه تا سبه‌ی به‌رده‌وام ده‌بێت.
له‌لایه‌كی تره‌وه په‌یامنێرانمان له كه‌ركووك و دهۆك پێیان راگه‌یاندین كه به هه‌مانشێوه‌ی هه‌ولێر هه‌وره‌برووسكه و بارانی به‌خوڕ هه‌یه.
هه‌ر به‌هۆی كۆبوونه‌وه‌ی ئاوه‌وه، ئاسته‌نگی هاتوچۆ له رێی نێوان هه‌ولێر و كه‌ركووك دروست بووه.