پاریزگای ورمێ لە رۆژهەڵاتی كوردستان یەكێك لە گرنگرین پارێزگاكانە بۆ بەرهەمهێنانی هەنگوین و 27%ی پێداویستی هەموو ئێران بە هەنگوین دابین دەكات.
لەم پارێزگایە ژمارەی شانەی هەنگەكان دەگاتە ملیۆنێك و 119 هەزار دانە و پلەی یەكەمی لە ناو سەرجەم پاریزگاكانی ئێران و رۆژهەڵاتی كوردستاندا هەیە.
فەزڵوڵا قوڕەیشی جێگری پەرەپێدانی بەرهەمی ئاژەڵ و پەلەوەر لە بەڕیوەبەرایەتی كشتوكاڵی ورمێ بۆ "
مێهرنیوز" باسی لەوە كردووە كە هەنگوینی ورمێ بۆ هەریەك لە وڵاتانی عێراق، مالیزیا، توركیا، ئیمارات و چین هەناردە دەكرێت.
ئەو نیگەرانی خۆی لەوە دەربڕیوە كە بەشێك لە هەنگوینی ورمێ بە قاچاخی و بێ ئەوەی بەستەبەندی بكرێت بۆ توركیا دەگوازرێتەوە و لەوێشەوە بە ناوی بەرهەمی توركیا رەوانەی بازاڕەكان دەكرێت.
پارێزگای ورمێی لە رووی كەشوهەواوە لە هاویندا فێنكە و لە وەرزەكانی تریشدا ساردە و زۆر گونجاوە بۆ كشتوكاڵ و ئاژەڵداری و جگە لە بەرهەمهێنانی هەنگوین ئەم پارێزگایە بە كشتوكاڵ و باخداری و ئاژەڵداریش بەناوبانگە. پارێزگاكە خاوەنی 400 هەزار رەشەوڵاغە كە 82 هەزاریان گامێشن و ساڵانە 60 هەزار تۆن شیر بەرهەم دێنن.