ناسا نهێنه‌ییه‌كی سه‌رسووڕهێنه‌ری مه‌ریخ ئاشكرا ده‌كات


له‌ ڤیدیۆیه‌كدا كه‌ له‌لایه‌ن ستافی گه‌ردوونناسانی "ناسا"وه‌ گیراوه‌ تێیدا نهێنییه‌ك ئاشكرا ده‌كه‌ن كه‌ چه‌ندان ساڵه‌ ده‌یانه‌وێت به‌ رێگه‌ی زانستی بۆ خه‌ڵكی شیی بكه‌نه‌وه‌.

به‌گوێره‌ی هه‌واڵێك كه‌ له‌ ماڵپه‌ڕی "dailymail" دا بڵاو كراوه‌ته‌وه‌ و باس له‌ نوێترین دۆزینه‌وه‌ی ناسا ده‌كات و ئاماژه‌ی پێ داوه‌، ده‌زگای ناسا له‌ ڤیدیۆیه‌كدا كه‌ به‌ سیسته‌می "360" پله‌یی گرتوویه‌تی تێیدا ده‌بینین كه‌ ده‌زگاكه‌ له‌سه‌ر مه‌ریخ چه‌ند شوێنێكی دیار كردووه‌ كه‌ وه‌ك ده‌ریاچه‌یه‌كی بچووك وایه‌ و ئاوی لێیه‌.

ئه‌م ده‌زگایه‌ و چه‌ندان ده‌زگای گه‌ردوونناسی تر ئه‌مه‌ ماوه‌ی چه‌ندان ساڵه‌ ئاماژه‌یان به‌وه‌ داوه‌ كه‌ له‌سه‌ر مه‌ریخ ئاوی لێیه‌، تا ئه‌مرۆ ناسا به‌ وێنه‌ و ڤیدیۆییه‌ ئه‌م نهێنییه‌ی ئاشكرا كرد كه‌ ئه‌مه‌یش بووه‌ته‌ جێگای سه‌رنجی خه‌ڵكانێكی زۆر و هه‌وادارانی گه‌ردوونناسیی.

ناسا ده‌زگایه‌كی گه‌ردوونناسی سه‌ر به‌ حكوومه‌تی ئه‌مه‌ریكایه‌ و به‌رپرسه‌ له‌ به‌رنامه‌ی ئاسمانی و گه‌ردوونناسی ئه‌و وڵاته‌ و دنیا به‌ گشتی، ناسا ساڵی 1957 دامه‌زراوه‌ و داهاتی ساڵانه‌ی 16 ملیار دۆلاری ئه‌مه‌ریكییه‌، جگه‌ له‌ لێكۆڵینه‌وه‌ی گه‌ردوونی، ده‌زگای ناسا به‌رپرسه‌ له‌ لێكۆڵینه‌وه‌ سه‌ربازییه‌ ئاسمانییه‌ درێژخایه‌نه‌كانیش، ئێسته‌ ناسا گه‌وره‌ترین ده‌زگای گه‌ردوونناسییه‌ له‌ دنیادا.



وشە - ڕۆزی عه‌بدولره‌حمان


PM:03:57:12/02/2019




ئه‌م بابه‌ته 337 جار خوێنراوه‌ته‌وه‌‌