ل سەر راسپادێن مەسروور بارزانی، د چارچوڤێ چیکرنا پرۆژە و خزمەتگۆزاری و پشتەڤانیکرنا وەرزشێ دکابینا نەهێ دا، پرۆژێ چیکرنا کومەلگەهەکا وەرزشی ل قەزا سێمێل چویە دوارێ بجهئینانێ دا
ژێدەرەکێ ل کارگێریا پارێزگەها دهۆکێ دیارکر کو ب بریارا مەسروور بارزانی و د چارچوڤێ پرۆژێن کابینا نەهێ دا، دێ کومەلگەها وەرزشی یا سێمێل هێتە چێکرن
زێدەتر گوت، پرۆژێ کۆمەڵگەها وەرزشی یا یانەیا سێمێل چویە دبوارێ بجهئینانێ دا و ل دەمەکێ نێزیک دێ دەست ب ئاڤاکرنا پرۆژەی هێتە کرن ب کوژمێ پێنج ملیار و 500 ملیون دیناران.
پرۆژێ نافهاتی ل سەر 48 دونەمێن ئەردی دهێتە چێکرن، 30 دونەم هاتیە تەرخانکرن ژبۆ یاریگەهەکا تەپاپێ یا مەزن و 18 دونەمێن دن ژی بۆ یاریگەهەکا گرتی و هۆلێن یاریێن تاک و هۆلەکا لەش جوانیێ و مەلەڤەنگەهەکێ هاتینە تەرخانکرن و دەوروبەرێن یاریگەهێ ژی هاتینە تەرخانکرن ژبۆ وەبەرهێنانێ کۆ د پاشەروژێ دا بیتە داهاتەک ژبۆ یانەیا سێمێل و جهێ پرۆژەی دکەڤیتە ل سەر رێکا سەرەکی یا دەڤەردایا سێمێلێ و کۆماڵگەها مسێریکێ ل نێزیک زانکویا ئەمریکی کوردستان ل دهۆکێ.
ب گورەی داتایێن کارگێریا پارێزگەها دهۆکێ ئەڤ پرۆژە دێ ب کۆژمێ پێنج ملیار و پێنج سەد ملیون دیناران ژ لایێ حکومەتا هەرێما کوردستانێ ڤە هێتە ئاڤاکرن و چویە دوارێ بجهئینانێ دا و ل نێزیک دەست ب چێکرنێ هێتەکرن.
ئەڤ سالە دوو یاریگەهێن نیڤدولەتی ژلایێ حوکمەتا هەرێما کوردستانێ بۆ وەرزشڤانێن دینارتە و بەردەڕەش هاتینە چێکرن و نوکە وەرزشڤان بکاردئینن، دیسان ئەڤڕۆ ژی دەست ب نوژەنکرنا یاریگەها ئاکرێ هاتەکرن و چەند روژێن بوری ژی کار بو چێکرن و تمامکرنا یاریگەها کەلەکچی دهێتەکرن، هەر دیسان کار بۆ دەست پێکرن ب چێکرنا یاریگەها یانا شێلادزێ ژی دهێتەکرن.