ب هەلکەفتا رۆژا سەرهلدانا باژێرێ ئاکرێ و دەوروبەران، ب ئامادەبوونا، پارێزگارێ دهۆکێ و دەڤەردارێ ئاکرێ، ، بەرێ بنیاتی بۆ هژمارەکا پرۆژێن نوو ل سەر بودجا حکومەتا هەرێما کوردستانێ هاتنە دانان.
دداخوانیەکێ دا بۆ دەزگەهێن ڕاگەهاندنێ پارێزگارێ دهۆکێ د. عەلی تەتەر گوت، پشتی کو مەسروور بارزانی سەرەدانا باژێرێ ئاکرێ و دەوروبەران کری، رەزامەندی ل سەر هژمارەکا پرۆژان دا، خوشبەختانە ئەڤڕۆ ب هەلکەفتا سەرهلدانا باژێرێ ئاکرێ بەرێ بناغەی بۆ هژمارەکا پرۆژان هاتە دانان و هنڵەک ژی دوماهی هاتن و کەفتنە؟د خزمەتا وەلاتیان دا.
زێدەتر گوت، پرۆژێن ئەڤڕۆ بەرێ بناغەی بۆ هاتینەدانان پێکدهێن ژ قێرکرن و سەخبێریکرنا چەند جادێن نافخۆی ل تاخێن نوو ل ئاکرێ ب درێژاهیا ٣،٤٦٥مەتران، کونکریتکرن و سەخبێریکرنا چەند جادێن نافخۆی ل ئاکرێ ب درێژاهیا ٣،٣٧ کم، ڤەکرن و قێرکرنا جادێن قۆتابخانێن تاخێ دەواجن و قۆتابخانا بیکەسەر، کونکریتکرنا جادا گەرەکا شەڤیلکا، قێرکرن و سەخبێریکرنا چەند جادێن نافخۆی ل تاخێن نوو "تاقی، خرگا، زانکۆ، چوستایا صارفی، ئالایێ، قێرکرن و سەخبێریکرنا چەند جادێن نافخۆی ل تاخێن نوو ل ئاکرێ (گۆلان، نەوروز، رۆناهی، سماقوک، کۆمەلگەها فەرمانگەها، کۆچینا مەلا فەرزوی، پەیمانگەها کۆمپیوتەری، دیسان چێکرنا دیوارێن پالپشت ب درێژاهیا ٢٢٠مەتران و بلنداهیا تێکرایی ٤مەتر بۆ جادا فەوجا ئاکرێ.، قێرکرن و سەخبێریکرنا چەند جادێن رۆژئاڤا تاخێ ١١ی ئادارێ ل ئاکرێ، هەموو پرۆژە دێ ل سەر بودجا حوکمەتا هەرێما کوردستانێ هێنە چێکرن.
هەر ئەڤڕۆ پارێزگارێ دهۆکێ یاریگەها ئاکرێ ڤەکر، پشتی کو لسەر راسپاردێن مەسروور بارزانی دوبارە هاتیە نوژەنکرن.