پارێزگاری دهۆك لەبارەی داخستنی سنوور هاووڵاتییان دڵنیا دەكاتەوە
پارێزگاری دهۆك دڵنیایی دەداتە هاووڵاتییانی هەرێمی كوردستان و ڕای گەیاند، بەهیچ جۆرێك مەترسی لەسەر سنووری نێوان هەرێمی كوردستان و توركیا دروست نەبووە و دانەخراوە.
ئێوارەی ئەمڕۆ دووشەم 25ی ئەیلوول، فەرهاد ئەترووشی پارێزگاری دهۆك كۆنگرەیەكی ڕۆژنامەوانی ئەنجام دا و ڕای گەیاند، تا ئێستە مەترسی لەسەر سنوورەكانی نێوان هەرێمی كوردستان و توركیا نییە و هاتوچۆ لە مەرزەكانی نێوان كوردستان و توركیا زۆر ئاسایییە.
پارێزگاری دهۆك هاووڵاتییانی دڵنیا كردەوە كە ڕەوشی بازاڕ و مەرزەكان زۆر ئاسایییە و هیچ كێشەیەك لە ئارادا نییە.
لێدوانەكەی پارێزگاری دهۆك هاوكاتە لەگەڵ ئەنجامدانی ڕیفراندۆمی سەربەخۆیی كوردستان كە ئەمڕۆ بەڕێوە چوو، هاوكات وەڵامدانەوەی ئەو دەنگۆیانەیە كە باس لە داخستنی سنوورەكانی نێوان كوردستان و وڵاتانی دراوسێ دەكەن.
وشە -
سهرخێڵ هاشم