كۆمپانیای "رۆسنەفەت"ی ڕووسی و حكوومەتی هەرێمی كوردستان رێككەوتنی گەڕان و دەرهێنانی نەوتیان لە هەرێمی كوردستان واژوو كرد.
ئێوارەی ئەمڕۆ چوارشەم 18ی تشرینی یەكەم، ئەو ڕێككەوتنە بڵاو كراوەتەوە و رێككەوتننامەكە تایبەتە بەو پێنج بلۆكەی وەبەرهێنانە كە دەكەونە هەرێمی كوردستانەوە.
لە ڕاگەیەنراوێكدا كۆمپانیای "رۆسنەفت" ئاماژەی كردووە، پشكی گرووپەكانی كۆمپانیای "رۆسنەفت" لە رێككەوتننامەی هاوبەشی وەبەرهێنان 80% دەبێت و بڕی پارەی تەرخانكراو بۆ هەریەك لە پێنج بلۆكەكە لە 40 ملیۆن دۆلاری ئەمەریكییەوە دەست پێ دەكات و تا 110 ملیۆن دۆلار دەڕوات.
"بەرهەمهێنان لە ساڵی 2018دا دەست پێ دەكات و لە ساڵی 2021 دا گەشەی زیاتر بە كارەكان دەدرێت و وەبەرهێنانی تەواو جێبەجێ دەكرێت" بە پێی
ڕاگەیەنراوەكە.
كۆمپانیاكە ڕای گەیاندووە كە بەلایەنی كەمەوە یەدەگی نەوت لەو پێنج بلۆكە دەگاتە 670 ملیۆن بەرمیل نەوت.