وەزارەتی دارایی و ئابووری حكوومەتی هەرێمی كوردستان خشتەی دابەشكردنی مووچەی فەرمانبەرانی هەرێمی كوردستانی ڕاگەیاندووە و سبەی یەكشەم مووچەی چەند شوێنكی تر دابەش دەكرێت.
بەپێی خشتەكەی وەزارەتی دارایی و ئابووری حكوومەتی هەرێمی كوردستان سبەی یەكشەم 9/6/2018 مووچەی چەند وەزارەتێك دابەش دەكرێت.
- وەزارەتی ئاوەدانكردنەوە و نیشتەجێكردن.
- وەزارەتی كار و كاروباری كۆمەڵایەتی.
- خاوەن پێداویستییە تایبەتەكان.
هاوكات لە ڕۆژانی دواتر وەزارەتەكانی تری حكوومەت مووچەكانیان وەردەگرن، جگە لە خانەنشینان و پێشمەرگە و هێزەكانی ناوخۆ كە تا ئێستا وادەی دابەشكردنی مووچەی ئەوان دیار نییە.
ئەمە دەبێتە سێیەم مانگ كە حكوومەتی هەرێمی كوردستان پاشەكەوتی مووچەی فەرمانبەرانی كەم كردووەتەوە و لە چەند ڕۆژی ڕابردوویش ڕێباز حەملان وەزیری دارایی و ئابووری حكوومەتی هەرێمی كوردستان ڕای گەیاندبوو، ئەگەر پڕۆژەی چاكسازی لە مووچە و ئیمتیازی خانەنشینی لە پەرلەمانی كوردستان پەسەند بكرێت، دەتوانرێت بە تەواوی سیستەمی پاشەكەوتی مووچە بەكۆتا بێت.