هەفتەی رابردوو نرخی نەوت درێژەی بە دابەزین
دا و لە دوایین رۆژی هەفتە بازاڕی بۆڕسە کە رۆژی هەینی کۆتایی پێهات گەیشتە
نزمترین ئاستی لە ماوەی مانگ و نیوی رابردوودا تۆمار کرابێت.
بە گوێرەی dailyfx تەنیا لە رۆژی هەینیدا نرخی نەوت سەرووی سێ
دۆلار بۆ هەر بەرمیلێکی دابەزی و لە 76 دۆلارەوە گەیشتە 73 دۆلار. هۆکاری سەرەکی دابەزینی نرخی نەوت بۆ ئەگەری دابەزینی
بەرهەمهێنانی نەوت لە لایەن روسیا و سعوودیە دەگەڕێتەوە کە بڕیارە لە 23ی ئەم مانگە کۆببنەوە. هۆکارێکی تری دابەزینی
نرخی نەوت بۆ جەنگی ئابوری نیوان ئەمەریکا و چین دەگەڕێتەوە.
هۆکارێکی تر کە بووەتە دابەزینی نرخی نەوت بەرزبوونەوەی نەوتی
كۆگەكراوی ئەمەریكایە و بە گوێرەی دامەزراوەی ئەمەریكەن پێترۆلیۆم بڕی نەوتی كۆگەكراوی
ئەمەریكا 830 هەزار بەرمیل لە ماوەی هەفتەیەكدا زیادی كردووە و گەیشتووەتە 433 ملیۆن
و 700 هەزار بەرمیل. هۆكاری بەرزبوونەوەی نەوتی كۆگەكراوی ئەمەریكاش بۆ پەرەسەندنی
بەرهەمهێنانی نەوتی لیتەیی دەگەڕێتەوە. لە دوو ساڵی رابردوودا بەرهەمهێنانی نەوت لە
ئەمەریكا بە رێژەی 28% زیادی كردووە و ئێستە رۆژانە سەرووی 10 ملیۆن بەرمیل بەرهەم
دەهێنێت.
پێویستە
بگوترێت لە ئەگەری بڕیاردانی زیادكردنی بەرهەمهێنانی
نەوت نرخی نەوتیش زیاتر روو لە دابەزین دەكات.