سبەی مووچەی 13 وەزارەت و دەستە دابەش دەكرێت

بڕیارەی سبەی مووچەی پێنج وەزارەت و هەشت دەستە دابەش بكرێت و ڕۆژی پێنجشەم كۆتایی بە مووچەی وەزارەتەكان دێت و تەنیا سەرۆكایەتییەكان و خانەنشینی دەمێنێت.

ئەمڕۆ سێشەم 18ـی حوزەیران، سەرچاوەیەك لە وەزارەتی دارایی و ئابوووری حكوومەتی هەرێمی كوردستان بە "وشە"ـی ڕاگەیاند، سبەی مووچەی وەزارەتی پلاندانان و گواستنەوە و گەیاندن و شارەوانی و گەشتوگوزار و كشتوكاڵ و ئاودێری و وەزارەتی كارەبا دابەش دەكرێت.

ئەو سەرچاوەیە گوتی، سبەی مووچەی دەستەكانی وەبەرهێنان و دەستەی مافی مرۆڤ و دەستەی چاككردن و پاراستنی ژینگە و دەستەی دەستپاكی و دەستەی ناوچەكانی دەرەوەی ئیدارەی هەرێم و كۆمسیۆنی باڵای هەڵبژاردنەكان و دەزگای مین و دیوانی چاودێری دارایی دابەش دەكرێت.

بەپێی ڕێككەوتنی نێوان هەرێمی كوردستان و عێراق لە ناوەڕاستی هەر مانگێك عێراق بڕی 452 ملیار دینار بۆ هەرێمی كوردستان دەنێرێت و بە داهاتی ناوخۆی و پارەی هاوپەیمانان بۆ پێشمەرگە و فرۆشتنی نەوت مووچەی فەرمانبەران دەدرێت.

لە سەرەتای ئەمساڵ پاشكەوتی مووچە لەسەر مووچەی فەرمانبەرانی هەرێمی كوردستان هەڵگیراوە و پێدانی مووچە ئاسایی بووەتەوە لە پێنجی سەرەتای هەر مانگێك لە هەرێمی كوردستان مووچە دابەش دەكرێت.



وشە - رامیار جەواد


PM:01:28:18/06/2019




ئه‌م بابه‌ته 3414 جار خوێنراوه‌ته‌وه‌‌