پاكستان دەبێتە دووەم دەسەڵاتی ئابووریی باشووری ئاسیا


بانكی جیهانیی پێشبینی كرد لە ساڵی ٢٠١٧دا پاكستان ببێتە دووەم دەسەڵاتی ئابووریی وڵاتانی باشووری ئاسیا.

بەگوێرەی پێشبینییەكان لە ماوەی سێ ساڵی داهاتوودا، ئابووریی پاكستان بە رێژەیەكی بەرچاو گەشە دەكات و وەبەرهێنەران روو لەو وڵاتە دەكەن.

بەهۆی چاكسازیی ئابووری و پەرەپێدانی وەبەرهێنانی بیانی، زۆرترین گەشەی ئابووریی ئەو وڵاتە لە ساڵی ٢٠١٧دا تۆمار دەكرێت.

بە پێی راپۆرتەكەی بانكی جیهانیی لە ساڵی ٢٠١٧، رێژەی گەشەی ئابووریی پاكستان دەگاتە  ٢.١٥%، لە ساڵی ٢٠١٨ بۆ ٥.١٥% و لە ساڵی ٢٠١٩ بەرەو ٨.١٥% بەرز دەبێتەوە.

پاكستان لە ساڵانی ٢٠٠٤ و ٢٠٠٥دا بە دەستەبەركردنی رێژەی گەشەی ئابووری ٤.٨% ركابەری سەنگافورەی كرد و بوو بە دووەم وڵات لە گەشەی ئابووری لە دوای چین.

ئابووریی پاكستان لە دوو دەیەی رابردوودا تووشی هەوراز و نشێوی زۆر بووە و گرنگترین هۆكاری ئەو هەوراز و نشێوەش بۆ ناسەقامگیری سیاسی دەگەڕێتەوە.

بەگوێرەی فارسنیوز، گەشەی ئابووریی پاكستان لە ساڵی ٢٠١٦دا ٢% بەرەو ٧% زیادی كرد، سەرەڕای ئەو كێشە زۆرانەی لە رووی ئابووری و سیاسی وڵاتی گرتووەتەوە، جگەلەمە گەشەی ژمارەی دانیشتووانی ئەو وڵاتە لە ١٥ ساڵی رابردوودا سەرووی ملیۆن كەس بووە.

چین لە چەند ساڵی رابردوودا بە قەبارەیەكی زۆر لەو وڵاتە وەبەرهێنانی كردووە و رووسیاش لەرووی ئابوورییەوە لە پاكستان نزیك كەوتووەتەوە و هەموو ئەوانەش وایان كردووە بۆڕسەی كەراچی گەشە بكات.

جێگەی باسە ژمارەی دانیشتووانی پاكستان نزیكەی ٢٠٠ ملیۆن كەسە و داهاتی گشتیی نەپاڵێوراوی ئەو وڵاتەش ساڵانە دەگاتە سەرووی ٢٩٥ ملیار دۆلار.


وشە - سلێمان تاشان


PM:01:53:12/01/2017




ئه‌م بابه‌ته 259 جار خوێنراوه‌ته‌وه‌‌



زۆرترین خوێنراو‌
بابەتی پێوه‌ندار ‌