رووداوی بوومەلەرزەکەی تورکیا و ناوچەکە پەردەی لەسەر زۆر بابەت ھەڵدایەوە.
ئاراستەی بیری تورکەکانی گۆڕی.
بەلای زۆر لە سیاسییە کورتبینەکان و چەند کەسێکی رەگەزپەرست لەو وڵاتە ھەرێمی کوردستان ناوەندی مەترسیبوو بۆ تورکیا، لێ ئەم بوومەلەرزەیە کورد پێی گوتن کە بەھێزبوونی ئێمە بریتییە لە دراوسێیەکی باش و دەشێ تورکیا و وڵاتانی دەوروبەر سوودی لێ ببینن. نەوەک لێی بترسن .
سوپاسنامەکەی رەجەب تەیب ئەردۆغان بۆ سەرۆک بارزانی، دانپێدانانی ئەو وڵاتەیە بەو راستییەدا کە
ھەرێمی کوردستان بە خڵک و حکوومەتەکەیەوە ھەموو توانایەکی خۆیان بەگەڕ خستووە بۆ ھاوکاری زیانلێکەوتوانی تورکیا و سووریا.
ھەوڵە بەردەوامەکانی دەزگای خێرخوازی بارزانی و حکوومەتی ھەرێم و خەلکی کوردستان بەردەوامی ھەیە. لە گشت ناوچەکانی کوردستان ناوەندی یارمەتی و کەمپەینی کۆمەک دروست کراوە.
بەھەمان بیرۆکەی ھەرێمی کوردستان
لە رووی پێوەندی دبلۆماسییەوە لە ماوەی رابردوو تورکیا ئەوەندەی گرنگی بە پاکستان دەدا، وڵاتی ھیندی لە یاد کردبوو، بەڵام لە رووداوی ئەم بوومەلەرزەیە ھیند ئۆپەراسیۆنی دۆستایەتی راگەیاند بۆیان. لە درەنگانی شەوی رابردوودا ھیند چەندان فڕۆکەی سی-١٧ی هێزی ئاسمانی ناردە تورکیا لەگەڵ ٦٠ نەخۆشخانەی پارا فیڵد و کارمەند بۆ هاوکاریکردن لە ئۆپەراسیۆنەکانی ڕزگارکردن و فریاگوزاریدا.
بەپێی وتەی بەرپرسانی بەرگری، نەخۆشخانەی مەیدانی سوپا کە بنکەکەی لە ئاگرایە، تیمێکی پزیشکی 89 کەسی ناردووە. تیمی پزیشکی پێکهاتووە لە تیمەکانی پسپۆڕی چاودێری گرینگ لەوانە تیمی نەشتەرگەری ئێسک و پروسکی، تیمی پسپۆڕی نەشتەرگەری گشتی، و تیمەکانی پسپۆڕی پزیشکی جگە لە تیمە پزیشکییەکانی تر. تیمەکان بە ئامێری تیشکی ئێکس، ئامێری هەناسەدان، کارگەیەکی بەرهەمهێنانی ئۆکسجین، چاودێری دڵ و ئامێری پەیوەندیدار بۆ دامەزراندنی دامەزراوەیەکی پزیشکی ٣٠ قەرەوێڵەیی تەیارکراون.
هاوکات یەکەم وەجبەی هاوکاری لە ھیندەوە کە بەرەبەیانی ئەمڕۆ لە بنکەی ئاسمانی هیندۆن لە غازی ئابادەوە بەرزبووەوە، گەیشتە شاری ئەدەنە لە تورکیا.
بەپێی وتەی وتەبێژی وەزارەتی دەرەوە، ئاریندەم باگچی پێشتر ڕایگەیاندبوو کە تواناکانی هاوکاری مرۆیی و فریاگوزاری کارەساتەکانی ھیند (HADR) خرایە بواری جێبەجێکردنەوە." وەجبەی یەکەمی کەرەستەی فریاگوزاری بوومەلەرزە بەرەو تورکیا دەڕوات، لەگەڵ تیمەکانی گەڕان و ڕزگارکردنی NDRF، کە بە شێوەیەکی تایبەت مەشق و ڕاهێنانی سەگەکانن , پێداویستی پزیشکی, ئامێری کونکردن و ئامێری پێویستی تر"
بەپێی ئۆپەراسیۆنەکانی HADR بۆ تورکیا و سوریا، ھیند کاتژمێر 03:09 خولەکی بەیانی ئەمڕۆ یەکەم فڕۆکەی ئاسمانی C17ی بۆ تورکیا ڕەوا کرد لە کاتێکدا فڕۆکەی C17ی دووەم لە نزیکەی کاتژمێر 10:00 لەگەڵ تیمی هێزی نیشتمانی بەرپەرچدانەوەی کارەساتەکان (NDRF) بەرزبووەوە.
هێزی ئاسمانی ھیند ڕایگەیاندووە، فڕۆکەکە بەشێکە لە هەوڵێکی فریاگوزاری گەورەتر کە لەلایەن هێزی ئاسمانی نێودەوڵەتییەوە لەگەڵ ڕێکخراوەکانی دیکەی ھیندی ئەنجام دەدرێت.
هاوکات هاوکارییەکانی سوریا دواکەوتووە لەگەڵ، گەشتێکی C130 بۆ دیمەشق تەنها بە دەرمان و چەند کارمەندێک، بۆ پاشنیوەڕۆی پێنجشەممە.
ڕزگارکەرانی هەردوو وڵات بە دەستی ڕووت لە شەوێکی بەستوودا هەڵدەکۆڵن و لەژێر داروپەردووی هەزاران باڵەخانەدا بەدوای ڕزگاربوواندا دەگەڕێن و حکوومەتی ھەردوو وڵات لە توانایاندا نییە بە تەنیا یارمەتی بە لیقەوماوان بگەیەنن.
ڕووپێوی جیۆلۆجی ئەمەریکا ڕای گەیاند، بومەلەرزەکە یەکێکە لە بەهێزترین بومەلەرزەکان کە لە ماوەی 100 ساڵدا ڕووی لە ناوچەکە کردبێت، بە دووری 23 کیلۆمەتر لە ڕۆژهەڵاتی نورداگی، لە پارێزگای غازی عەنتابی تورکیا، بە قوڵایی 24.1 کیلۆمەتر (14.9 میل) ڕوویداوە.
لە دوای ئەم رووداوە ئەگەر ھەیە تورکیا گۆڕانکاری لە سیاسەتی دەرەوە و ھەرێمایەتی خۆیدا بکات.
یەکەم کاری باشبوو بیکات ئەوەیە ھەرچی زووە بەنداوەکان بەر بدات و رێ بە رێڕەوی ئاو بدات دووبارە بێتەوە ناو خاکی عێراق و ھەرێمی کوردستان.
پێداچوونەوە بە سیاسەتی خۆیاندا بکەن لە بەرانبەر ھەرێمی کوردستان و سەرجەم ئەو وڵاتانەی دەستی یارمەتیان بۆ درێژ کردن لەم کارەساتەدا.