نیویۆرك.. نزیكەی 100 كەس بە هۆی شەمەندەفەرەوە بریندار بوون
درەنگانێكی شەوی رابردوو، لە ویلایەتی نیویۆرك، شەمەندەفەرێك بە هۆی لادانی لەسەر هێڵی ئاسنینی خۆی، بووە هۆی برینداربوونی نزیكەی 50-100 هاووڵاتی.

ئاژانسی هەواڵی رۆیتەرز، لە زاری پۆلیسی ناوچەكەوە گواستوویەتییەوە، رووداوەكە لە نزیك ناوچەی هاید پارك بووە، شەمەندەفەرەكە نەفەرهەڵگر بووە و لێكۆڵینەوە لە هۆكارەكەی بەردەوامە.

جێی بیرهێنانەوەیە، نزیكەی 10 رۆژ بەر لەم رووداوەی نیویۆرك، لە وێستگەی نیوجێرسی شەمەندەفەرێكی نەفەرهەڵگر تووشی هەمان رووداو بوو و بووە هۆی گیان لە دەستدانی كەسێك و برینداربوونی 114ی تر، ئەمە سەرباری زیانە مادییەكانی كە بەر وێستگەكە كەوتن.

وشە/ سپوتنیك. و: ئەهمەد كەیفی


AM:11:39:09/10/2016




ئه‌م بابه‌ته 4155 جار خوێنراوه‌ته‌وه‌‌

زیاتر ...