ئەڤ سالە زورترین رێژا پیڤازا ل سنورێ دەڤەرداریا شێخان هاتینە چاندن کو پترە ژ خوبژێوی یا خەلکی، دێ هناردەی پارێزگەهێن عیراقێ و کوردستانێ کەت.
ئەندازیار ئەنوەر عەبدولڕەحمان، شیرەتکارێ چاندنێ ل دەڤەرا شێخان بۆ "وشە" گوت، دەڤەرا شێخان ئێکە ژ دەڤەرێن چاندنێ ل هەرێما کوردستانێ و خودان ئاخەکا ب پیت و بەرەکەتە، پرانیا جورێن چاندن و دەرامەتی هاتینە چاندن و سالانە ل بازاڕێن کوردستان و عیراقێ دهێنە ساخکرن.
زێدەتر گوت، ئەڤ سالە پتری پێنج هزار دونەمێن ئەردی ب پیڤازا ژلایێ جوتیارێن دەڤەرا شێخان هاتینە چاندن، دهێتە پێشبینینکرن کو دناڤبەرا 75 بۆ 100 هزار تەنێن پیڤازا بهێنە بەرهەمئینان کو ژ جورێ پیڤازین هەی باش و نایابە و ئەڤ سالە بەرهەم ژی زۆر باشە.
ناڤبری دیارکر ژی کو خواست ل سەر پیڤازا دەڤەرا شێخان هەیە و گوت ژی، پیڤازا دەڤەرا شێخان ل بازاڕێن کوردستانێ دهێنە فروتن، بەلێ ژبەرکو ب رێژەییەکا هەری زۆر ژ پێدڤی و خوبژێوی یا خەلکی زێدەترە، لەوا هناردەیێ پارێزگەهێن عیراقێ ژی دکەت، ئەگەر ددەما بەهەمهاتنێ دا باج ل سەر پیڤازا هاوردە بهێتەدانان دێ جوتیارێن مە مفاداربن و شێن بەرهەمێ خوە ساخ کەن و فروشن، لەوا دڤێت ب هەر رەنگەکێ بیت هەڤکاریا جوتیاران بهێتەکرن کو بشێن بەرهەمێ خوە بفروشن.
بەرهەمێ پیڤازێ ل دەڤەرا شێخان ب هیڤیا باران و هندەک جاران رەشاندنێ یە دهێتە چاندن، ل دەستپێکا هەیڤا شەش ژی دهێتە هەلکێشان.