ب مەرەما خزمەتکرنا وەلاتیان و کەرتێ چاندنێ، ئێک ژ مەزنترین کارگەهان ل کوردستانێ ل دهوکێ هاتە دروستکرن، رۆژانە نێزیکێ دوو هزار تەنێن گەنمی وەردگریت و شیانێن بەرهەمئینانا 500 تەنێن ئاری هەیە.
فەلاح حەجی، بەرپرسێ راگەهاندنێ یا رێڤەبەریا گشتی یا وەبەرهێنانێ ل پارێزگەها دهۆکێ بو "وشە" گوت، وەکو خزمەت بو کەرتێ چاندنێ و خەلکێ پارێزگەها دهۆکێ و دابینکرنا دەلیڤێن کاری بو وان، ئێک ژ مەزنترین کارگەهان یێن ئاری ل دهوکێ هاتیە چێکرن.
زێدەتر گوت، كارگەها تیان یا ئاری ئێك ژ پڕۆژەیێن گرنگە كو مۆلەت ژ رێڤەبەریا گشتی یا وەبەرهێنانێ وەرگرتی ئەڤ كارگەهە شەش جۆرێن ئاری بەرهەم دئینیت و دشێت رۆژانە دوو هزار تەنێن گەنمی وەرگریت و پێنج سەد تەنێن ئاری بەرهەم بئینیت، بڤێ یەکێ دێ خزمەتەکا باش بو پارێزگەها دهۆکێ کەت.
ناڤبری دیارکر ژی کو ب رێژا 74%ێ کارێن کارگەهێ داوی هاتینە وگوت ژی، د نوکەدا کارگەهێ دەست ب بەهەمئینانێ کریە و بەرهەمێ وێ ژی دچیتە عیراق و کوردستانێ، ب کوژمێ نەهـ ملیون و 206 هزار دولاران ل سەر رووبەرێ پتری 45 هزار مەترێن چوارگوشە ل دهوکێ هاتیە چێکرن و پێکدهێت ژ چوار سایلو و دوو هولا بۆ کەرستەیێن خاڤ، نێزیکێ 40 کەس تێدا کار دکەن.
کارگەهـ ل سەنتەرێ باژێرێ دهۆکێ هاتیە دروستکرن، دێ بەرهەمێ پشکەک ژ جوتیاران وەرگریت.