فەرماندەی ئۆپراسیۆنە هاوبەشەكان ئەمڕۆ رای گەیاند، هێزەكانیان توانیویانە بەرپرسێكی گەورەی رێكخراوی تیرۆریستیی داعش لە پارێزگای ئەنبار بكوژن.
پێگەی "
شەفەق نیوز" ئەمڕۆ پێنجشەم 28ی ئادار بڵاوی كردووەتەوە، بەپێی بەیاننامەكەی فەرماندەی ئۆپراسیۆنە هاوبەشەكان، ئەو بەرپرسەی داعش كە هێزەكانیان توانیویانە بیكوژن، ناوی "سەمیر خدر شریف شیحان نەمراوی"یە و بەرپرسی گواستنەوەی چەك و بۆمب و كەلوپەلی سەربازیی بووە لە نێوان عێراق و سووریا.
فەرماندەییەكە زیاتر گوتی، بەپێی زانیارییە هەواڵگرییەكان لە نێوان ئاسایش و هەواڵگری بە هاوئاهەنگی لەگەڵ چالاكییە هاوبەشەكان، هێزێكی تایبەتی هاوبەش، توانیانە شوێنی تیرۆریستەكە دەستنیشان بكەن و لە بۆسەیەكدا بیكوژن.
لە كۆتایی بەیاننامەكەی فەرماندەییەكەدا هاتووە، سەمیر خدر نەمراوی لە سەركردە دیارەكانی داعش بووە لە سنووری پارێزگای ئەنباری ناوەڕاستی عێراق، رۆڵی زۆری هەبووە لە كوشتن و رفاندنی خەڵكێكی زۆری سڤیل لە ناوچەكە، هاوكات رۆڵی سەرەكیشی گواستنەوەی چەك و بۆمب بووە لە نێوان عێراق و سووریا.