دەمەكێ كێم بەری نوكە وەزارەتا پەروەردێ یا حوكمەتا هەرێما كوردستانێ، ئەنجامێن رێزا 12ێ ئامادەیی راگەهاندن و ئێك ژ وان چوار كەسێن بویە یێن ئێكێ قوتابیەكە بناڤێ دەریا سلێمان ل پارێزگەها دهۆكێ، ناڤبری بو "وشە"، د ئاخڤیت.
رۆژانە حەفت دەمژمێران د خواندن
دەریا سلێمان بو (وشە) دیاركر كو ئەوێ رۆژانە حەفت دەمژمێران د خواندن و گۆت، "ئەز ئێك بووم ژ وان قوتابیان كو گەلەك گرنگی ب خواندنێ دا و ژ دەستپێكا قوتابخانێ هەتا دوماهیێ خوە ب چوو تشتان مژول نەكریە ژبلی خواندنێ، زێدەباری كو كۆرۆنا هەبو و دەرگەهێن قوتابخانان ژی د گرتی بوون، بەلێ دیسان ژی من رۆژانە دخواند و كێم چویمە خولێن تایبەت و نك ماموستایێن تایبەت، رەوشا مەیا دارایی ناڤنجیی و من ژورەكا تایبەت بو خواندنێ هەیە و چوو جاران ل جهێن قەرەبالغ نەخواندیە"
زێدەتر گۆت، "هەر چەندە ئاستێ خواندنێ ل كوردستانێ خراپ نینە، بەلێ ئەز دخوازم ل پشكا پزشیكی گشتی ل ئەمریكا رێژیێ ب خواندنێ بدەم ژبەركو سیستەمێ خواندنا وان پێشكەفتی یە".
ناڤبری ل گەرەكا شاخكێ یا سەر ب ناڤەندا باژێرێ دهۆكێ دژیت و ل قوتابخانا بژارە یا نموونەی دخوینیت و ژیێ وێ 17 سالە و و زێدەتر گۆت، "من ژی مینا هەموو كەسان فێسبوك و تورێن جڤاكی هەنە و بكار ژی دئینم، بەلێ ل دەمێ خواندنێ بكارنائینم یان ژی زور ب كێمی بكاردئینم، ئەگەر قوتابی بخوینیت و بخوازیت بگەهیتە جهێن بلند، چوو بهانە نینن و دەرگەه هەموو بو ڤەكرینە، لەوا دڤێت قوتابی هزرەكێ ل پاشەرۆژا خوە بكەت"