سێوی سەوز مەودایەكی فراوانی هەیە بۆ سوود گەیاندن بە پێست و تەندروستی لەش، بە بەراورد بە سێوی سوور، سێوی سەوز زیاتر ترشن بۆ زۆر مەبەستی پیشەسازی و خۆراك بەكاردەهێنرێت وەك دروستكردنی "مەی و شیرینی". سێوی سەوز لە پێستێكی بریقەدار پێكدێت لەگەڵ پێكهاتەیەكی پر لە ئاو كە دەوڵەمەندن بە ریشاڵ و یارمەتی كۆئەندامی هەرس دەدەن. چەندان سوودی گرنگی هەیە بۆ لەش
لێرەدا باس لە سوود و گرنگییەكانی سێوی سەوز دەكەین.
یەكەم: دەوڵەمەندە بە ریشاڵی خۆراكی، گرنگترین سوودەكانی سێوی سەوز ئەوەیە كە ناوەرۆكێكی باشی ریشاڵی خۆراكی تێدایە یارمەتی چالاكی ریخۆلەكان دەدات بەمشێوەیەش سیستەمی هەرسی باشتر دەكات.
دووەم: یارمەتی كەمكردنەوەی مەترسییەكانی شێرپەنجەی كۆڵۆن دەدات.
سێیەم: سێوی سەوز هیچ جۆرە چەوریەكی زیانبەخشی تێدا نیە بەئاسانی دەتوانرێت بۆ كەمكردنەوەی كێشی لەش بەكاربهێنرێت و هەستی تێربوون زیاد دەكات.
چوارەم: ئاستی كۆڵیسترۆڵ كەم دەكاتەوە، یەكێك لە سوودە گرنگەكانی سێوی سەوز بوونی ریشاڵی خۆراكییە، بوونی ئەم ریشاڵانە لە خۆراك و لە لەشدا یارمەتی كەمكردنەوەی ئاستی كۆڵیسترۆڵ دەدەن بە تایبەتی كۆڵسترۆڵی خراپ كە زیان بەلەش دەگەیەنێت.
پێنجەم: هەرسكردن باشتر دەكات، ئەگەر خۆراكی قورست خوارد و گەدەت توانایی هەرسكردنی ئەم خۆراكەی نەبوو دەتوانیت سێوێكی سەوز بخۆیت چونكە خواردنی سێوی سەوز لەم كاتەدا یارمەتی هەرسكردن دەدات.
شەشەم: كەمكردنەوەی نەخۆشییەكانی جگەر، سێوی سەوز هەروەها گرفتەكانی جگەر كەم دەكاتەوە.
حەوتەم: رێگە لە سكچوون دەگرێت، سێوی سەوز چەندان پێكهاتەی گرنگی تێدایە بۆ لەش و رێگە لە سكچوون دەگرێت ئەمەش زیاتر بەهۆی (ترشی مالیك) روودەدات، چونكە ئەم ترشە یارمەتی كەمكردنەوەی بەدهەرسی دەدات.
هەشتەم: دژەئۆكسید، سێوی سەوز فلاڤۆنۆیدسی تێدایە كە جۆرێكە لە دژەئۆكسید كە رێگە لە شێرپەنجە جۆراوجۆرەكان و زیانی DNA دەگرێت.
نۆیەم: كۆنتۆڵی ئارەزووی خواردن دەكات، سێوی سەوز ترشی ئەمینی تێدایە كە یارمەتی ئارەزووی خواردن دەدات، ئەگەر ئارەزووی خواردنت كەم بوو بەهۆی نارێكی ریخۆڵەكانەوە ئەوە دەتوانیت پێش نانخواردن سێوی سەوز بخۆیت.
دەیەم: وزە، سێوی سەوز بەخشەری وزەن. كاربۆهیدراتیان تێدایە باشن بۆ ئەو كەسانەی كە رۆژان چالاكی جەستەی ئەنجام دەدەن.