ئاگری کەشتییە نەوتهەڵگرەکەی ئێران تا مانگێكی تر كۆنتڕۆڵ ناكرێ

 

ئەمڕۆ پێنج رۆژە کەشتییەکی نەوتهەڵگری ئێران دوای رووداوێک ئاگری گرتووە و سەرەڕای ئەوەی کە تیمەکانی ئاگرکوژێنەوە هەوڵی کۆنترۆڵی ئاگرەکە دەدەن، بەڵام پێیان کۆنترۆڵ نەکراوە و پێشبینیش دەکرێت کۆنترۆڵکردنی ئەو ئاگرە مانگێک بخایەنێت.

 

لەو 32 کەسەی لەسەر کەشتییەکە بوون 31 کەسیان ونن و تەرمی یەکێکیشیان دۆزراوەتەوە. کۆمسیۆنی وزەی پەرلەمانی ئێران باسی لەوە کردووە کە تیمێکی ئێرانی رەوانە کراوە، بۆ ئەوەی لەگەڵ چینییەکان دانوستان بکات لەسەر ئەم رووداوە و پێشبینیشی کردووە سەرنشینەکانی ئەم کەشتییە لە ژووێکی ژێر کەشتییەکە گەمارۆ درابن و دەرفەتیان نەبووبێت خۆیان رزگار بکەن.

 

بەگوتەی وەزارەتی گواستنەوەی چینیش دوایین تەقینەوە لە نەوتهەڵگرەکە کاتێک رووی دا کە تیمەکانی ئاگرکوژێنەوە دەیانویست پێش بە ئاگرەکە بگرن و بەرپرسانی کۆریای باشووریش پێشبینییان کردووە ئاگرەکە دوو هەفتە تا یەک مانگ بەردەوام بێت. وەزیری کاروباری دەریایی کۆریای باشوور گوتوویەتی خەمی ئەوان ئەوەیە کەشتییەکە نوقمی ئاو ببێت و ئەمەش زیانێکی زۆر گەورە بە ژینگە دەگەیەنێت.

 

بەگوێرەیrfi سەرووی 13 کەشتی لە نزیک ئەو کەشتییەی ئاگری تێبەربووە چاودێری ئەو رووداوە دەکەن و هەوڵی کۆنترۆڵی ئاگرەکە دەدەن. ئەو کەشتییە لە ئێرانەوە بەرەو کۆریای باشوور بەڕی کەوتبوو و 136 هەزار تۆن نەوت و سووتەمەنی هەڵگرتبوو دواتری خۆی به‌كه‌شتییه‌كی تر كێشا، به‌وهۆیه‌وه‌ ئاگری لێ كه‌وته‌وه‌ و ته‌قییه‌وه‌،  شوێنی رووداوەکەیش 300 کیلۆمەتر لە کەنارەکانی چین دوورە.

 

سلێمان

 



وشە - سلێمان تاشان


PM:03:22:11/01/2018




ئه‌م بابه‌ته 3210 جار خوێنراوه‌ته‌وه‌‌